Chandrapur Latest News :
कपंनीत काम करणाऱ्या कामगारांना कमी वेतन देणे, स्थानिक भूमिपूत्रांना डावलून कंपनीत परप्रातीय कामगारांचा भरणा करणे, कामगारांना अनियमीत काम देणे असे प्रकार चंद्रपूर जिल्ह्यातील विविध सिमेंट कंपन्यात सूरू आहेत. याविरोधात विजय क्रांती संघटनेने आंदोलन उभे केले. शिवानी वडेट्टीवार यांच्या नेतृत्वात सुरू असलेल्या या आंदोलनाची दखल जिल्हाधिकारी विनय गौडा यांनी घेतली. त्यांनी कंपनी व्यवस्थापन अधिकारी व शिवानी वडेट्टीवार यांना बोलावून चर्चा घडवून आणली. यांनतर 1 एप्रिल 2024 पासून कामगारांच्या समस्या सोडविण्याचे आश्वासन दिले.
चंद्रपूर जिल्ह्यात मोठ्या प्रमाणावर सिमेंटच्या कंपन्या आहेत. या कंपनांच्या माध्यमातून अनेकांना रोजगार मिळत असला तरी येथील कामगारांवर सातत्याने अन्याय केला जात आहे. कामगारांना कमी प्रमाणात वेतन देणे, परप्रांतीय कामगारांना अधिक संधी देणे याचसोबत अनेक अन्यायकारक प्रकार याठिकाणी सुरू होते.
कामगारांच्या प्रश्नांना घेऊन वेळोवेळी आंदोलने करणारी विजय क्रांती कामगार संघटना यांनी कंपनी व्यवस्थापनाच्या पिळवणुकीविरोधात गेल्या दोन दिवसापासून आंदोलन छेडले होते. नांदा फाटा येथील अल्ट्राटेक सिमेंट कंपनी, उपरवाही येथील अंबुजा सिमेंट कंपनी व घुगुस येथील एसीसी सिमेंट कंपनी या कंपन्यांच्या विरोधात संघटनेच्या वतीने काम बंद आंदोलनाद्वारे निदर्शने करण्यात आली.
या आंदोलनात विजय क्रांती संघटनेच्या अध्यक्षा शिवानी वडेट्टीवार यांनी उडी घेतली. कामगारांचे शोषण करण्याचा कंपन्यानी लावलेला सपाटा हा अतिशय संतापदायक आहे. जिल्हा प्रशासनाने यावर तोडगा काढला नाही तर आंदोलनाला गती द्यावी लागेल, असा इशारा शिवानी वडेट्टीवार यांनी दिला.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
त्यांनी दिलेल्या इशाऱ्यानंतर जिल्हाधिकारी विनय गौडा यांनी तातडीने सिमेंट कपंनी व्यवस्थापनाचे अधिकारी व विजय क्रांती कामगार संघटनेच्या अध्यक्षा शिवानी वडेट्टीवार यांना चर्चेसाठी पाचारण करण्यात आले. या चर्चेनंतर सकारात्मक परिणाम मिळाला आहे. कंपनी व्यवस्थापन यावेळी नरमले असून त्यांनी कामगार संघटेनच्या मागण्या मान्य केल्या आहेत. चंद्रपूर जिल्ह्यात मोठ्या प्रमाणावर विविध कपंन्या आहेत. या कपंन्यांकडून नेहमीच कामगारांवर अन्याय करण्यात येत असल्याच्या तक्रारी राहिल्या आहेत. या मुद्द्याला घेत कामगारात संतापाची लाट पसरत आहे.
शिवानी वडेट्टीवार या विजय क्रांती कामगार संघटनेच्या अध्यक्षा आहेत. प्रदेश युवक काँग्रेसच्या सरचिटणीस पदाची जबाबदारी सु्द्धा त्या सांभाळत आहेत. शिवानी या राज्याचे विरोधी पक्षनेते विजय वडेट्टीवार यांच्या कन्या आहेत. कामगारांच्या न्यायहक्कासाठी त्यांनी नेतृत्व केले. या आंदोलनानंतर आता कंपनीतील कामगारांच्या अन्यायाचा प्रश्न पुन्हा एकदा ऐरणीवर आला आहे.
edited by sachin fulpagare
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.