Rashmi Mane
मध्य प्रदेशातील खंडवा येथील ओंकारेश्वर येथे जगद्गुरू शंकराचार्यांच्या १०८ फूट उंचीच्या मूर्तीचे अनावरण करण्यात आले.
मध्य प्रदेशचे मुख्यमंत्री शिवराजसिंह चौहान यांनी विश्वाला शांती आणि एकतेचा संदेश देणाऱ्या आदिगुरू शंकराचार्य यांच्या एकात्म धाम येथील 108 फूट उंच ‘एकात्मता की मूर्ती’चे अनावरण केले.
अखिल भारताच्या एकात्मतेची मूर्ती घडविणाऱ्या अद्वैतवादी वैदिक तत्त्वज्ञानी शंकराचार्यांनी भारतखंडाच्या चारही कोपऱ्यांत वैदिक धर्माची ध्वजा रोवली.
वैदिक धर्माच्या विचारांना जगभरात पोहोचविण्याचा प्रयत्न मध्य प्रदेश सरकारने केला आहे.
मध्य प्रदेशातील खंडवा जिल्ह्यातील नर्मदा नदीकाठावरील ओंकारेश्वर येथील मांधाता पर्वतावर संत समाजातील गुरू आदि शंकराचार्यांच्या 108 फूट उंचीच्या अष्टधातू प्रतिमेचे अनावरण करण्यात आले.
आचार्य शंकराचार्यांच्या पुतळ्याचे नाव 'स्टॅच्यू ऑफ वननेस' ठेवण्यात आले आहे.
108 फूट उंच अष्टधातू मूर्ती आचार्य शंकराचार्यांच्या बाल स्वरूपाची (वय 12 वर्षे) आहे. पुतळ्याच्या पायथ्याशी 75 फुटांचा पायथा आहे.
या मूर्तीचे वजन 100 टन एवढे आहे. यामध्ये 88 टक्के तांबे, 4 टक्के जस्त आणि 8 टक्के टिनचा वापर करण्यात आला आहे.