Amit Ujagare
आम आदमी पार्टीचे राज्यसभा खासदार राघव चढ्ढा यांनी आपल्या सोशळ मीडियावर एक व्हिडिओ शेअर केला आहे. या व्हिडिओत ते ब्लिंकइट डिलिबॉयच्या वेशात दिसत आहेत.
डिलिव्हरी बॉय बनून ते घरोघरी डिलिव्हरी देण्याचं काम करत असल्याचं या व्हिडिओतून स्पष्टपणे दिसत आहे, त्यामुळं लोकांनी आश्चर्य व्यक्त केलं आहे.
डिलिव्हरी बॉयचे कपडे परिधान करण्यापासून दिलेल्या वेळेत म्हणजे फक्त १० मिनिटांत ग्राहकाच्या दारावर पोहोचण्याची किमया त्यांच्या या व्हिडिओमध्ये दिसत आहे. शेवटी स्टे ट्यून असंही त्यांनी म्हटलं आहे.
त्यामुळं सहाजिकच यापुढेही ते आणखी एखादा व्हिडिओ शेअर करण्याची शक्यता असून यामध्ये ते आपण हे काम का करतोय? हे ते स्पष्ट करतील.
तरीही त्यांच्या या कृतीमागे ब्लिंकइटचे डिलिव्हरी बॉयला डिलिव्हरी पोहोचवण्यापर्यंत काय काय अडचणींचा सामना करावा लागतो हे जाणून घेणं आहे.
खासदार राघव चढ्ढा यापूर्वी राज्यसभेत ब्लिंकइटच्या १० मिनिट पॉलिसीविरोधात आपली भूमिका मांडली आहे. दहा मिनिटांत डिलिव्हरी हे अत्यंत घातक धोरण असल्याचं त्यांचं म्हणणं आहे.
कारण इतक्या कमी वेळेत थेट ग्राहकापर्यंत वस्तू घेऊन जाणं हे अपघाताला निमंत्रण देण्यासारखं आहे. म्हणजेच ब्लिंकइटचे डिलिव्हरी बॉय हे स्वतः अपघाग्रस्त होऊ शकतात आणि इतरांना देखील इजा पोहोचवू शकतात.
ज्या युजर्सनं राघव चढढांचा हा व्हिडिओ पाहिला आहे, त्यांनी खासदारांना सलाम केला आहे. नेता असावा तर असा जामिनीवर उतरुन प्रश्न जाणून घेणं याला म्हणतात असं एकानं म्हटलं आहे.