Rashmi Mane
अभिनयासोबतच राजकारणातही आपला ठसा उमटवणारे खासदार डॉ. अमोल कोल्हे यांचा आज 43 वा वाढदिवस.
अभिनय क्षेत्रात कोल्हे यांनी अनेक महत्त्वपूर्ण आणि ऐतिहासिक भूमिका साकारल्या आहेत.
छत्रपती शिवाजी महाराज, संभाजी महाराज यांची भूमिका साकारल्यामुळे अमोल कोल्हे यांनी महाराष्ट्रातील लोकांच्या मनात घर केलं.
डॉक्टर, त्यानंतर अभिनय क्षेत्रात दमदार कामगिरी आणि लोकप्रिय खासदार असा त्यांचा प्रवास आहे.
२०१९ मध्ये लोकसभा निवडणुकीत शिरूर मतदारसंघात निवडणूक जिंकलेले. राष्ट्रवादीचे जायंट किलर खासदार डॉ. अमोल कोल्हे हे कायमच चर्चेचा विषय असतात.
2014 च्या निवडणुकीपूर्वी कोल्हे यांनी शिवसेनेत प्रवेश केला होता. परंतु , 2019 च्या निवडणुकीपूर्वी शिवसेनेला जोरदार धक्का देत त्यांनी राष्ट्रवादी काँग्रेसमध्ये प्रवेश केला होता.
राष्ट्रवादीकडून अमोल कोल्हे यांना शिरूर मतदारसंघातून निवडणूक रिंगणात उतरवण्यात आले होते.
कोल्हे यांनी शिवसेनेकडून तीन टर्म खासदार राहिलेल्या शिवाजीराव अढळराव पाटील यांचा पराभव करत घवघवीत यश संपादन केले होते.