Vijaykumar Dudhale
राज्य मंत्रिमंडळाच्या बैठकीत उपमुख्यमंत्री अजित पवार यांनी पुढाकार घेत इंदापूर आणि मोहोळ मतदारसंघासाठी महत्वपूर्ण ठरणाऱ्या योजनांना मंजुरी दिली आहे.
इंदापूर तालुक्यातील प्रस्तावित जंक्शन एमआयडीसीसाठी महाराष्ट्र राज्य शेती महामंडळाची जमीन देण्याचा निर्णय
महाराष्ट्र राज्य शेती महामंडळाच्या ताब्यातील सुमारे 131 हेक्टर पन्नास आर जमीन महाराष्ट्र औद्योगिक विकास महामंडळाला हस्तांतरित करण्यात येणार आहे. या निर्णयामुळे इंदापूर तालुक्यात रोजगाराच्या संधी उपलब्ध होणार आहेत.
इंदापुरात राष्ट्रवादी काँग्रेसचे दत्तात्रेय भरणे हे आमदार आहेत. त्यांना आगामी विधानसभा निवडणुकीत या निर्णयाचा फायदा होण्याची शक्यता आहे.
सर्वपक्षीय नेत्यांच्या एकीमुळे काहींसा अडचणीत आलेल्या राष्ट्रवादी काँग्रेसच्या ताब्यातील मोहोळ विधानसभा मतदारसंघासाठीही अजित पवारांनी मोठा निर्णय घेतला आहे.
आष्टी उपसा सिंचन योजनेसाठी 272 कोटींची सुधारित प्रशासकीय मान्यता देण्यात आली आहे.
आष्टी उपसा सिंचन योजनेमुळे मोहोळ तालुक्यातील अनगर परिसराच्या नऊ गावांतील 3 हजार 900 हेक्टर क्षेत्र ओलिताखाली येणार आहे
मोहोळमधून आमदार यशवंत माने यांना पुन्हा उमेदवारी मिळणार आहे. त्यांच्यासाठी आगामी निवडणुकीत आष्टी उपसा सिंचन योजनेच्या सुप्रमाचा फायदा होणार आहे.