Rashmi Mane
सरकारी नोकरी मिळावी असे अनेकांचा स्वप्न असतं, त्या तयारीत विद्यार्थी दिवस-रात्र मेहनत करतात.
या उमेदवारांसाठी महत्त्वाची बातमी म्हणजे रेल्वेमध्ये तब्बल 5810 पेक्षा जास्त जागांसाठी भरती जाहीर करण्यात आली आहे.
रेल्वे भर्ती बोर्डाने (RRB) एनटीपीसीसाठी ही प्रक्रिया सुरू केली असून अर्ज करण्याची सुरुवात 21 ऑक्टोबरपासून झाली आहे.
इच्छुक उमेदवार www.rrbapply.gov.in या अधिकृत संकेतस्थळावरून अर्ज करू शकतात. अर्ज करण्याची अंतिम तारीख 20 नोव्हेंबर 2025 आहे.
या भरतीत स्टेशन मास्टर, गुड्स ट्रेन मॅनेजर, ट्रॅफिक असिस्टंट, चीफ कमर्शियल, टिकट सुपरवायझर, सीनियर क्लर्क, टायपिस्ट अशा विविध पदांसाठी संधी आहे.
उमेदवाराला कोणत्याही मान्यताप्राप्त विद्यापीठाची पदवी असणे आवश्यक आहे. वयाची अट 18 ते 33 वर्षे आहे, तर ओबीसी, एससी, एसटी उमेदवारांसाठी सरकारी नियमांनुसार वयाची सवलत असेल.
अर्ज करण्यासाठी उमेदवारांनी प्रथम संकेतस्थळावर लॉगिन करावे. जर नवीन अर्ज करत असाल तर ‘New Registration’ वर क्लिक करून ईमेल, मोबाइल नंबर व इतर माहिती भरावी लागेल.
अर्जात वैयक्तिक माहिती, शैक्षणिक माहिती, अर्ज केलेल्या पदाची माहिती, भाषा निवड, फोटो व सही अपलोड करणे आवश्यक आहे. फोटो व सही संकेतस्थळावर नमूद केलेल्या आकारानुसार अपलोड करणे गरजेचे आहे. शेवटी परीक्षा शुल्क भरणे व फॉर्म सबमिट करणे आवश्यक आहे.