Rashmi Mane
तेलंगणाचे माजी मुख्यमंत्री के. चंद्रशेखर राव यांच्या कन्या आमदार के. कविता यांच्या अडचणी वाढल्या आहेत.
दिल्लीतील कथित दारू घोटाळ्याप्रकरणी केंद्रीय तपास यंत्रणा सीबीआयने बीआरएस नेत्या के कविता यांना अटक केली आहे.
सध्या त्या तिहार तुरूंगात असून तिथूनच सीबीआयने त्यांना अटक केली. मागील आठवड्यात शनिवारी सीबीआयने त्यांची सहा तास चौकशी केली होती.
तेलंगणाचे माजी मुख्यमंत्री के. चंद्रशेखर राव यांची मुलगी कविता हिच्यावर 'साउथ ग्रुप'ची प्रमुख सदस्य असल्याचा आरोप करण्यात आला आहे.
'साऊथ ग्रुप'ने दिल्लीतील सत्ताधारी आम आदमी पक्षाला राष्ट्रीय राजधानीतील मद्य परवान्यांमधील मोठ्या वाट्याच्या बदल्यात 100 कोटी रुपयांची लाच दिल्याचा आरोप आहे.
ईडीने कविताला 15 मार्च रोजी हैदराबादच्या बंजारा हिल्स येथील राहत्या घरातून अटक केली होती.