Rashmi Mane
लोकसभा निवडणुकीसाठी महाराष्ट्रातील पाचव्या आणि अंतिम टप्प्यातील मतदान आज होत आहे.
मुंबईतील सहा लोकसभा मतदारसंघांसह नाशिक, धुळे, दिंडोरी, भिवंडी, ठाणे, कल्याण, पालघर लोकसभा मतदारसंघात हे मतदान पार पडत आहे.
मतदानासाठी सकाळपासूनच नागरिकांच्या रांगा लागलेल्या पाहायला मिळत आहेत.
या वेळी मुख्यमंत्री एकनाथ शिंदे यांनी कुटुंबीयांसमवेत मतदानाचा हक्क बजावला.
ठाण्यातील किसननगर येथील मतदान केंद्रावर कुटुंबासोबत मतदान केले.
या वेळी त्यांच्यासोबत वडील संभाजी शिंदे, पत्नी लता शिंदे, मुलगा व कल्याण लोकसभेचे उमेदवार श्रीकांत शिंदे उपस्थित होते.
एकनाथ शिंदे यांनी मतदान केल्यानंतर प्रत्येकाने मतदान करावे, असे आवाहन केले.