Mayur Ratnaparkhe
काँग्रेसने मध्य प्रदेशचे माजी आमदार लक्ष्मण सिंह यांच्यावर मोठी कारवाई केली आहे.
लक्ष्मण सिंह हे काँग्रेसचे दिग्गज नेते दिग्विजय सिंह यांचे धाकटे भाऊ आहेत.
मात्र पक्षविरोधी कारवायांमुळे लक्ष्मण सिंह यांना काँग्रेसने ६ वर्षांसाठी पक्षातून काढून टाकले आहे.
काँग्रेसने लक्ष्मण सिंह यांना त्यांच्या विधानाबाबत कारणे दाखवा नोटीस बजावली होती
एवढंच नाहीतर पक्षाने लक्ष्मण सिंह यांना १० दिवसांत उत्तर देण्यास देखील सांगितले होते.
लक्ष्मण सिंह यांनी काँग्रेस खासदार राहुल गांधी, प्रियंका गांधी यांचे पती रॉबर्ट वड्रा आणि जम्मू-काश्मीरचे मुख्यमंत्री ओमर अब्दुल्ला यांच्याविरुद्ध टिप्पणी केली होती
लक्ष्मण सिंह यांनी जम्मू-काश्मीरमधील पहलगाम येथे झालेल्या दहशतवादी हल्ल्याबाबत मुख्यमंत्री ओमर अब्दुल्ला यांच्यावर दहशतवाद्यांना भेटल्याचा आरोप केला होता.
शिवाय काँग्रेसने नॅशनल कॉन्फरन्सचा पाठिंबा काढून घ्यावा, असंही लक्ष्मण सिंह यांनी म्हटलं होतं.
तसेच, त्याचवेळी लक्ष्मण सिंह यांनी राहुल गांधींवरही भाष्य केले होते.
राहुल गांधींनी विचारपूर्वक बोलावे, ते विरोधी पक्षनेते आहेत, असं ते म्हणाले होते.