Rashmi Mane
माजी पंतप्रधान इंदिरा गांधी यांच्या 39 व्या पुण्यतिथीनिमित्त काँग्रेस अध्यक्ष मल्लिकार्जुन खर्गे, माजी अध्यक्षा सोनिया गांधी आणि खासदार राहुल गांधी यांनी श्रद्धांजली वाहिली.
31 ऑक्टोबर, देशाच्या माजी पंतप्रधान इंदिरा गांधी यांची 39 वी पुण्यतिथी आहे.
काँग्रेसच्या माजी अध्यक्षा सोनिया गांधी यांनी आज शक्तिस्थळी जाऊन श्रद्धांजली वाहिली.
काँग्रेस अध्यक्ष मल्लिकार्जुन खर्गे आणि इतर नेत्यांनीही त्यांना श्रद्धांजली वाहिली.
राहुल गांधींचीही प्रमुख उपस्थिती होती.
'आयर्न लेडी' म्हणून प्रसिद्ध असलेल्या इंदिरा गांधी यांचा जन्म 19 नोव्हेंबर 1917ला प्रयागराज येथे झाला.
लहानपणी इंदिरा गांधींनी 'मंकी ब्रिगेड' या नावाने ओळखल्या जाणार्‍या मुलांचा एक गट तयार केला, जो भारतीय झेंडे वाटायचा आणि पोलिसांची हेरगिरी करत असे.
इंदिरा गांधी 1959 मध्ये भारतीय राष्ट्रीय काँग्रेसच्या अध्यक्ष म्हणून निवडून आल्या आणि 1964 मध्ये राज्यसभेच्या सदस्य झाल्या.
1966 मध्ये तत्कालीन पंतप्रधान लाल बहादूर शास्त्री यांच्या आकस्मिक निधनानंतर त्यांची देशाच्या पहिल्या महिला पंतप्रधान म्हणून निवड झाली.