Rashmi Mane
राज्यसभा खासदार धनंजय महाडिक यांचा आज ( 15 जानेवारी ) वाढदिवस.
धनंजय महाडिक हे कोल्हापुराच्या राजकारणातील मोठ आणि गाजलेलं नाव.
महाडिक यांनी 2004 मध्ये पहिल्यांदा शिवसेनेकडून लोकसभा लढवली होती. यामध्ये महाडिक यांचा पराभव झाला होता. त्यानंतर महाडिक यांनी राष्ट्रवादीमध्ये प्रवेश केला.
2009मध्ये झालेल्या विधानसभा निवडणुकीवेळी धनंजय महाडिक यांनी दक्षिण कोल्हापूर विधानसभा मतदारसंघातून निवडणूक लढवली होती.
2014 मध्ये राष्ट्रवादीकडून त्यांना लोकसभेला संधी देण्यात आली. देशभरात मोदीलाट असतानाही धनंजय महाडिक शिवसेनेच्या संजय मंडलिक यांचा पराभव करत लोकसभेत प्रवेश केला.
लोकसभा निवडणुकीत झालेल्या पराभवामुळे महाडिक यांनी सप्टेंबर 2019 मध्ये भाजपमध्ये प्रवेश केला. भाजपने त्यांची पक्षाच्या प्रदेश उपाध्यक्षपदी नेमणूक केली होती.
कोल्हापूर, सांगली, सोलापूर या पश्चिम महाराष्ट्रात तीन जिल्ह्यांमध्ये महाडिक घराण्याचे गेल्या ३० वर्षांपासून राजकीय अस्तित्व आहेच. पण राज्यसभा निवडणुकीतील यशामुळे महाडिक हे राष्ट्रीय पातळीवरील राजकारणात फेमस झाले.
विधान परिषद ते आमदारकी कोल्हापूर महापालिका, जिल्हा बँक आणि गोकुळ यासारख्या संस्थांवर महाडिक यांचा प्रभाव नेहमीच राहिला आहे.