Rashmi Mane
आपण अनेकदा पाहिलं असेल की नेते मंडळी फक्त पांढऱ्या रंगाच्या कपड्यात दिसतात.
देशाच्या प्रत्येक गावात आणि प्रत्येक शहरात, ज्याला नेता बनायचे आहे, तो पांढरा कुर्ता- पायजमा वापरतोच.
पण तुम्ही कधी विचार केला आहे का ? भारतीय नेते फक्त पांढऱ्या कपड्यातच का दिसतात? चला तर जाणून घेऊया या प्रश्नाचे उत्तर…
याच उत्तर दडलयं ते म्हणजे स्वातंत्र लढ्यात. भारताच्या स्वातंत्र्यलढ्यात महात्मा गांधी यांनी स्वदेशीचा नारा दिला, तेव्हा लोकांनी विदेशी कपडे गोळा करुन त्यांची होळी केली.
महात्मा गांधींनी सुरुवातीला भारतातील लोकांना चरख्यापासून बनवलेले खादीचे कपडे वापरण्याची प्रेरणा दिली. स्वावलंबनाचे प्रतीक म्हणून खादीचे कपडे घालायला सांगितले.
खादीचे कपडे बहुतेक वेळा पांढऱ्या रंगाचे असायचे. त्यामुळे हळूहळू हेच कपडे नेत्यांचा 'ड्रेस कोड' बनला.
राजकारण आणि समाजसेवा करणारे लोक नेहमी पांढऱ्या कपड्यात दिसू लागले.
खरे पाहता पांढरा रंग हा सत्य आणि अहिंसेचे प्रतिक आहे. जेव्हा कोणताही नेता पांढऱ्या रंगाचे ड्रेस घालतो तेव्हा, त्यांच्यामध्ये नश्चितच साधेपणा दिसून येतो. यामुळेच भारतातील नेते, समाजसेवक बहुतांश वेळा पांढरे कपडे घालतात.