Jagdish Patil
कर्मचारी भविष्य निर्वाह निधी संघटनेची (EPFO) 240 वी CBT बैठक 19 नोव्हेंबर 2026 रोजी होणार आहे.
या बैठकीत EPS अंतर्गत मिळणारी पेन्शन 1 हजारांवरून 3 हजार करण्याचा सरकारचा विचार असल्याची माहिती आहे.
सूत्रांनुसार, पेन्शन 3 हजार रुपये करण्याबाबत कामगार आणि अर्थ मंत्रालयांत चर्चा झाली आहे. मात्र, अधिकृत दुजोरा मिळालेला नाही.
EPS अंतर्गत 1 सप्टेंबर 2014 पासून किमान 1,000 रुपये पेन्शन दिली जात आहे. गेल्या 12 वर्षांत त्यात वाढ झालेली नाही.
त्यामुळे पेन्शनधारक संघटना किमान पेन्शन 7,500 रुपये करण्याची मागणी करत आहेत.
सरकारने 17 सप्टेंबर 2026 पासून EPFO सदस्यत्वासाठीची वेतन मर्यादा 15 वरून 25 हजार प्रतिमहिना केली आहे.
मात्र, या बदलाचा किमान EPS पेन्शनवर थेट परिणाम होणार नाही. पेन्शन वाढवण्यासाठी सरकारची स्वतंत्र मंजुरी आवश्यक आहे.
सध्या मासिक पेन्शन 1,000 रुपये आहे. 3,000 रुपये पेन्शनबाबत अधिकृत घोषणा होईपर्यंत पेन्शनधारकांना प्रतीक्षा करावी लागणार आहे.
त्यामुळे 19 नोव्हेंबरच्या बैठकीत या प्रस्तावावर काय निर्णय होतो, याकडे सर्वांचे लक्ष लागले आहे.