Rashmi Mane
अजित पवार यांचे नाव महाराष्ट्रातील राष्ट्रवादी काँग्रेसच्या प्रमुख नेत्यांमध्ये गणले जाते.
आता मात्र, राष्ट्रवादीचे अध्यक्ष शरद पवार यांची बाजू सोडून अजित पवार शिंदे सरकारमध्ये उपमुख्यमंत्री झाले आहेत.
अजित पवारांनी महाराष्ट्राचे पाच वेळा उपमुख्यमंत्री पद भूषवले आहे.
महाराष्ट्र एज्युकेशन सोसायटी हायस्कूल बारामती येथून त्यांचे शालेय शिक्षण पूर्ण झाले. शालेय शिक्षणानंतर अजित पवार काकांसोबत राजकारणात आले.
80 च्या दशकात अजित पवार यांची राजकीय कारकीर्द सुरु झाली. 1982 मध्ये पुण्यातील साखर सहकारी संस्थेच्या संचालक मंडळावर निवडून आले.
1991मध्ये ते पहिल्यांदा लोकसभेचे खासदारही झाले. नंतर त्यांनी शरद पवार यांच्या समर्थनार्थ लोकसभेची जागा सोडली. त्यानंतर ते बारामती विधानसभा मतदारसंघातून महाराष्ट्र विधानसभेचे सदस्य (आमदार) म्हणून निवडून आले.
1995 पासून 2019 पर्यंत सलग 7 वेळा अजित पवार बारामती विधानसभा मतदार संघाचे आमदार आहेत.
अजित पवारांनी आतापर्यंत शिक्षण, सहकार, क्रीडा, कृषी अशा अनेक विभागांमध्ये आपली भूमिका पार पाडली आहे. मंत्री, अर्थमंत्री, उपमुख्यमंत्री, विरोधीपक्ष नेते अशी पदं अजित पवारांनी भूषवली आहेत.