सरकारनामा ब्यूरो
गेल्या अनेक दिवसांपासून प्रतिक्षेत असलेल्या मुंबई-गोवा राष्ट्रीय महामार्ग क्रमांक ६६ची केंद्रीय दळणवळण मंत्री नितीन गडकरी यांनी पाहणी केली.
यावेळी राज्याचे उद्योगमंत्री उदय सामंतही उपस्थित होते.
गोवा- मुंबई द्रुतगती महामार्गाचे विलोभनीय फोटो नितीन गडकरी यांनी शेअर केले आहेत.
गडकरी यांनी मार्गाच्या कामाच्या अधिकाऱ्यांकडून आढावा घेतला.
उर्वरित काम लवकरात लवकर पूर्ण करण्याचे निर्देश संबंधित अधिकाऱ्यांना देण्यात आले आहेत, असे नितीन गडकरी यांनी ट्विटमध्ये म्हणाले आहेत.
भूसंपादन प्रक्रिया, भूसंपादन मोबदला वाटपातील विलंब व वन्य जमिनीच्या मंजूरीस झालेला विलंब, यामुळे हे काम वेळेत पूर्ण होवू शकले नाही, परंतु सर्व अडचणींवर मात करून हे काम आता प्रगतीपथावर आहे.
कोणत्याही परिस्थितीत डिसेंबर महिना अखेर संपूर्ण महामार्ग पूर्ण होईल, असे गडकरी यांनी जाहीर केले.