Amit Ujagare
माजी मंत्री आणि राष्ट्रवादीचे आमदार धनंजय मुंडे यांनी सहा महिन्यांपूर्वी मंत्रीपदाचा राजीनामा दिला पण अद्याप सातपुडा हा शासकीय बंगला सोडलेला नाही.
मुलीची शाळा, वैद्यकीय कारणास्तव आपण अद्याप इथं राहत असल्याचं त्यांनी यापूर्वी स्पष्ट केलं होतं.
पण मुंबईत मलबार हिल भागात वीरभवन सोसायटीत धनंजय मुंडेंचा सुमारे २१०० स्केअर फुटांचा एक फ्लॅट असल्याचं निवडणूक प्रतिज्ञापत्रातून समोर आलं आहे.
या व्यतिरिक्त महाराष्ट्रात त्यांची आणखी किती घरं आहेत? आणि ती कुठे आहेत? हे जाणून घेऊयात.
बीड जिल्ह्यातील परळी शहरात जलालपूर भागात सुमारे २७,००० स्केअर फुटांची मिळकत आहे.
तसंच पुण्यातील शिवाजीनगरच्या मॉडेल कॉलनी इथं युगाई ग्रीन नावाची १,५३८ स्केअर फुटाची मिळकत आहे.
पुण्याच्या शिवाजीनगरमध्ये श्री द्वारका हाऊसिंग सोसायटीत ९३० स्केअर फुटांचा फ्लॅट असून तो धनंजय मुंडे यांच्या पत्नीच्या नावावर आहे.
बीडच्या परळीतील जलालपूर इथं १६,१४० स्केअर फुटांची मुंडेंची आणखी एक मिळकत आहे, ही वडिलोपार्जित असल्याचं त्यांनी निवडणूक प्रतिज्ञापत्रात म्हटलं आहे.