सरकारनामा ब्यूरो
माजी केंद्रीय मंत्री आणि ज्येष्ठ नेते कपिल सिब्बल यांची गणना देशातील प्रसिद्ध वकीलांमध्ये केली जाते.
सध्या ते सर्वोच्च न्यायालयात सुरु असलेल्या ठाकरे-शिंदे सुनावणीत ठाकरे गटाच्या बाजुने युक्तिवाद करताना दिसत आहेत.
कपिल सिब्बल यांचा जन्म ८ ऑगस्ट १९४८ रोजी पंजाबमधील जालंधर येथे झाला.
सिब्बल यांनी 'सेंट जॉन हायस्कूल'मधून आपले शालेय शिक्षण पूर्ण केले.
दिल्ली विद्यापीठाच्या 'सेंट स्टीफन्स कॉलेज'मधून आपले 'बीए'पर्यंतचे शिक्षण पूर्ण केले. १९७२ मध्ये बार असोसिएशनमध्ये सामील झाले.
दिल्ली विद्यापीठातून शिक्षण घेण्याव्यतिरिक्त सिब्बल 'हार्वर्ड विद्यापीठा'तून पदवीधर आहेत.
कपिल सिब्बल यांनी १९७३ मध्ये 'आयएएस' परीक्षा उत्तीर्ण केली. परंतु वकील बनण्यासाठी त्यांनी नियुक्ती घेतली नाही.
'हार्वर्ड लॉ स्कूल' येथून त्यांनी १९७७ मध्ये 'एलएलएम' पदवी प्राप्त केली. १९८३ मध्ये ते वकील झाले.