सरकारनामा ब्यूरो
कर्नाटक निवडणुकांसाठी भाजपच्या स्टार प्रचारकांमध्ये भाजप नेत्या स्मृती ईराणी यांचा ही समावेश आहे. ईराणी या प्रभावी वक्ता म्हणून ओळखले जातात. संसदेतील त्यांची भाषणे गाजली होती.
भाजपचे ज्येष्ठ नेते व संरक्षण मंत्री राजनाथ सिंह हे भाजपचे प्रमुख स्टार प्रचारक आहेत. कर्नाटकच्या प्रचारात राष्ट्रीय मुद्द्यांवर जोर देण्याची जबाबदारी त्यांच्यावर असू शकते.
महाराष्ट्राचे उपमुख्यमंत्री देवेंद्र फडणवीस हे कर्नाटकासाठी स्टार प्रचारक आहेत. विशेषत: महाराष्ट्र-कर्नाटक सीमाभागात ते प्रचारासाठी कार्यरत असतील.
गोव्याचे मुख्यमंत्री प्रमोद सावंत यांचा ही भाजपच्या स्टार प्रचारकांमध्ये समावेश आहे. कर्नाटकाच्या काही भागात प्रचाराची धुरा ते सांभाळतील.
शिवराजसिंह चौहान यांचाही भाजपच्या स्टार प्रचारकामध्ये समावेश आहे. किमान दोन आठवडे ते कर्नाटकात प्रचारात भाग घेतील असे सांगण्यात येते.
उत्तर प्रदेशचे मुख्यमंत्री योगी आदित्यनाथ हे सुद्धा कर्नाटकाच्या प्रचारात सामील होणार आहेत. ते काही रोड शो करतील. त्यांच्याकडून हिंदुत्वाचा मुद्दा आणि राममंदिराचा मुद्दा उपस्थित केला जाऊ शकतो.
कर्नाटकचे माजी मुख्यमंत्री आणि भाजपचे दिग्गज नेते बी. एस. येडीयुरप्पा निवडणुकीसाठी भाजपचे सर्वात महत्त्वाचे नेते आहेत.
भाजपचे क्रमांक एकचे स्टार प्रचारक स्वत: पंतप्रधान नरेंद्र मोदी आहेत. मोदींच्या चेहऱ्यावर या निवडणुकीची भिस्त असेल. मोदी स्वत: 20 पेक्षा जास्त सभा घेणार आहेत.