Chetan Zadpe
नेहा भोसले यांची सहाय्यक जिल्हाधिकारी आणि प्रकल्प अधिकारी, एकात्मिक आदिवासी विकास प्रकल्प, जव्हार विभाग, जिल्हा पालघर म्हणून नियुक्ती करण्यात आली आहे.
खेड तालुक्यातील खोपी गावच्या कन्या नेहा यांनी 2019 मध्ये संपूर्ण भारतात 15वा रँक मिळवत आयएएस होण्याचे स्वप्न पूर्ण केले.
नेहा जेव्हा 'यूपीएससी'च्या परीक्षेला पहिल्यांदा बसल्या तेव्हा त्या नोकरी करत होत्या.
आई- वडील मुंबईमध्ये स्थाईक असल्याने नेहा यांचे प्राथमिक शिक्षण मुंबईतच झाले.
बारावी विज्ञान शाखेतून पूर्ण केल्यानंतर मुंबई विद्यापीठाची अभियांत्रिकीची पदवी विशेष प्राविण्यासह संपादन केली.
'इंडियन इन्स्टिट्यूट ऑफ मॅनेजमेंट' लखनऊ येथे विशेष गुणवत्ता मिळवत 'एमबीए' पूर्ण केले.
तीन वर्षे नोकरी केल्यानंतर 'यूपीएससी'ची परीक्षा दिली आणि यश मिळवले.
नेहा यांनी दररोज दहा ते बारा तास अभ्यास केला, त्यासाठी दिल्लीतच जाण्याची गरज नाही, तर ऑनलाईन पीडीएफ स्वरूपातही माहिती उपलब्ध आहे. अर्थात अभ्यासावरच लक्ष केंद्रित करायला हवे, असेही त्या आवर्जून सांगतात.