Rashmi Mane
कोकणात राष्ट्रवादी काँग्रेसची पाळेमुळे रोवण्यात यांचे महत्त्वपूर्ण योगदान असणाऱ्या सुनील तटकरे याचा आज वाढदिवस.
सुसंस्कृत, अभ्यासू वृत्ती आणि लोकांच्या समस्यां सोडविण्यासाठी तत्पर असणाऱ्या सुनील तटकरे यांनी आजपर्यंत राष्ट्रवादीत संघटना पातळीवर अनेक महत्त्वाच्या जबाबदाऱ्या सांभाळल्या आहेत.
आजही महाराष्ट्रातील राष्ट्रवादीच्या प्रमुख नेत्यांमध्ये सुनील तटकरे यांचे नाव आवर्जून घेतले जाते.
सुनील तटकरे यांचा जन्म 10 जुलै 1955 रोजी रायगडमधील कोलाड येथे झाला.
तटकरे यांनी पुण्याच्या फर्ग्युसन महाविद्यालयातून त्यांनी इंटर सायन्सचे शिक्षण घेतले.
सुनील तटकरे यांनी काही काळ सरकारी कंत्राटदार म्हणून व्यवसाय केला. त्यानंतर 1984 साली तटकरे यांनी काँग्रेसमध्ये प्रवेश केला.
सुनील तटकरे यांना लहानपणापासूनच राजकारणाचा बाळकडू मिळला. त्यांचे वडील दत्ताजी तटकरे हे काँग्रेसमध्ये सक्रिय होते. त्यामुळे सहाजिकच त्यांना राजकारणात रस होता.
जवळपास गेल्या पाच दशकांपासून रोह्यासह रायगड परिसरातील राजकारणात तटकरे कुटुंबीय सक्रिय आहेत.
अदिती तटकरे आणि अनिकेत तटकरे यांच्या रुपाने आता तटकरे घराण्याची पुढची पिढीही राजकारणात सक्रिय झाली आहे.
राष्ट्रवादी काँग्रेसमध्ये रविवारी (2 जुलै) ला झालेल्या बंडखोरीनंतर सुनिल तटकरे अजित पवार गटात सामील झाले आहेत. त्यानंतर अजित पवारांनी तटकरे यांना आता राष्ट्रवादी काँग्रेसचे अध्यक्ष केले आहे.