Akshay Sabale
आरबीआयच्या 90 व्या वर्धापनदिनानिमित्त पंतप्रधान नरेंद्र मोदी मुंबईत दौऱ्यावर होते. या वेळी पंतप्रधानांनी पुन्हा सत्तेत येण्याचं संकेत दिलेत. त्या भाषणातील काही मुद्दे जाणून घेणार आहोत...
आरबीआयनं शंभर दिवसांत त्यांचा रोड मॅप तयार करावा. पुढील 100 दिवस पंतप्रधान निवडणुकीत व्यस्त असल्यानं त्या दिवसांचा वापर आरबीआयनं करावा.
पंतप्रधान पदाची शपथ घेतल्यानंतर दुसऱ्या दिवसापासून तुमच्याकडे धमा-धम काम येतील, असा विश्वास पंतप्रधानांनी व्यक्त केला.
सरकारच्या धोरणामुळे गेल्या 10 वर्षांत नवीन क्षेत्रे निर्माण झाली आहेत. देशातील तरुणांना नवीन संधी मिळत आहेत.
आज सरकार हरित ऊर्जा, सौर ऊर्जा आणि हरित हायड्रोजन यांसारख्या उदयोन्मुख क्षेत्रांची व्याप्ती वाढवत आहे. डिजिटल तंत्रज्ञान मोठी ताकद दिली जात आहे.
देशात पर्यटन क्षेत्रही वाढत आहे आणि संपूर्ण जगाला भारतात यायचे आहे, भारत बघायचा आहे, भारत समजून घ्यायचा आहे. अयोध्या धार्मिक पर्यटनाची जगातील राजधानी होण्याचे भाकीत मोदींनी व्यक्त केले.
पर्यटन या क्षेत्राला आर्थिक पाठबळ देण्यासाठी आपली तयारी सुनिश्चित करावी लागणार असल्याचे मोदी म्हणाले.
जगात आपला रुपया स्वीकारला गेला पाहिजे. अनेक देशांचे खासगी क्षेत्रातील कर्ज त्यांच्या जीडीपीच्या 2 पट झाले आहे.
अनेक देशांच्या या धोरणामुळे संपूर्ण जगाच्या अर्थव्यवस्थेवर त्याचा परिणाम होतो. याचाही अभ्यास रिझर्व्ह बँकेने करायला हवा, असा सल्ला मोदींनी दिला
जगात 'ए आय' आणि ब्लॉकचेनसारख्या नवीन तंत्रज्ञानाने बँकिंग प्रणाली बदलली आहे. आपण हा बदल स्वीकारण्याची गरज आहे.
आरबीआयनं गेल्या दहा वर्षांत भारताच्या बँकिंग प्रणाली आणि अर्थव्यवस्थेच्या परिवर्तनामध्ये कौतुकास पात्र भूमिका बजावली आहे, असंही पंतप्रधानांनी म्हटलं.
R.