Roshan More
मतदानासाठी मतदान केंद्रावर येणाऱ्या मतदारांसाठी ग्रीन कार्पेट टाकण्यात आले आहे.
पिंपरी चिंचवड महानगपालिकेचे आयुक्त शेखर सिंह यांच्या संकल्पनेतून महानपालिकेच्या उद्यान विभागाने मतदारांच्या माध्यमातून पर्यावरणाचा संदेश देण्यासाठी हरीत मतदान केंद्र उपक्रम राबविला आहे.
पिंपरी चिंचवड शहरातील पी. के. इंटरनॅशनल स्कूल पिंपळे सौदागर, एनसीआरडी स्टर्लिंग स्कूल भोसरी, ज्ञानप्रबोधिनी शाळा निगडी, डी. वाय. पाटील ज्युनियर कॉलेज शाहूनगर येथे असलेल्या लोकसभा मतदार संघाच्या मतदान केंद्रावर संकल्पित चार हरीत मतदान केंद्र साकारण्यात आली आहेत.
या मतदान केंद्रावर मतदारांना नक्षत्र वाटिका, १४२ आयुर्वेदिक वनस्पती, देशी वृक्षांच्या बीजांचे वाटप, मतदारांना प्रोत्साहनपूरक रोपांचे वाटप करण्यात येणार आहे.
आज आहे मतदानाचा सण चला करूया वृक्ष संवर्धन असा संदेश मतदारांना देण्यात येणार आहे.
पुणे मतदारसंघात मतदारांसाठी सेल्फी पाईंट उभारण्यात आले आहे.
शिरुर लोकसभा मतदारसंघात मतदानकेंद्रा बाहेर रांगोळ्या काढण्यात आल्या आहेत.