Ganesh Sonawane
2 डिसेंबर रोजी राज्यातील नगरपरिषद व नगरपंचायतींसाठी मतदान होणार आहे.
जर तुमच्याकडे मतदार ओळखपत्र (EPIC) नसेल किंवा ते हरवले असेल तर तुम्हाला खालील १२ पैकी कोणताही एक पुरावा दाखवावा लागेल.
त्यामध्ये, भारताचा पासापोर्ट, आधार ओळखपत्र, वाहन चालविण्याचा परवाना, आयकर विभागाकडील पॅन ओळखपत्र.
तसेच केंद्रशासन/ राज्य शासन/ सार्वजनिक उपक्रम/ स्थानिक स्वराज्य संस्था यांनी आपल्या कर्मचाऱ्यांना दिलेली ओळखपत्रे
राष्ट्रीयकृत बँका अथवा पोस्ट ऑफीस यामधील खातेदाराचे फोटो असणारे पासबुक. सक्षम प्राधिकाऱ्याने दिलेला फोटोसहित अपंगत्वाचा दाखला.
राष्ट्रीय ग्रामीण रोजगार हमी योजनेखालील फोटो असलेले ओळखपत्र (MNREGA) जॉब कार्ड. निवृत्त कर्मचाऱ्यांची अथवा त्यांच्या विधवा/अवलंबित व्यक्ती यांची फोटो असलेली निवृती वेतन विषयक कागदपत्रे उदा. पासबुक, प्रमाणपत्र इत्यादी
लोकसभा/ राज्यसभा सचिवालय तसेच विधानसभा/ विधानपरिषद/ सचिवालय यांनी आपल्या सदस्यांना दिलेले अधिकृत ओळखपत्र
स्वातंत्र्य सैनिकाचे फोटो असलेले ओळखपत्र. केंद्र शासनाच्या श्रम मंत्रालयाने दिलेले आरोग्य विमा योजनेचे फोटोसहित कार्ड.
वरील सर्व कागदपत्रे पुरावा म्हणून ग्राह्य धरण्याबाबत निवडणूक आयोगाने कळविले आहे.