Rashmi Mane
आज (8 डिसेंबर) विधान परिषद सभागृहात महाराष्ट्र विधान परिषद शतक महोत्सवानिमित्त चर्चासत्राचे आयोजन करण्यात आले होते.
‘महाराष्ट्र विधिमंडळ संसदीय वाटचालीत हिवाळी अधिवेशनाचे योगदान’ या विषयावर मान्यवरांनी आपले मत व्यक्त केले. या प्रसंगी मुख्यमंत्री एकनाथ शिंदे बोलत होते.
या वेळी विधान परिषदेच्या उपसभापती डॉ. नीलम गोऱ्हे, संसदीय कार्यमंत्री चंद्रकांत पाटील, विधान परिषदेतील विरोधी पक्षनेते अंबादास दानवे, विधानसभेतील विरोधी पक्षनेते विजय वडेट्टीवार, राजेंद्र गवई यांच्यासह विधान परिषद सदस्य, ज्येष्ठ पत्रकार उपस्थित होते.
या अधिवेशनाच्या माध्यमातून जनतेला न्याय देण्याचे, त्यांचे प्रश्न सोडवण्याचे काम होते.
या अधिवेशनाच्या माध्यमातून राज्याच्या विकासाची बेरीज करू या. विदर्भातील जनतेला या अधिवेशनाकडून अनेक अपेक्षा आहेत, असेही मत एकनाथ शिंदे यांनी व्यक्त केले.
चर्चासत्रामध्ये नागपूरमधील ज्येष्ठ पत्रकारांनी तसेच विधान परिषद सदस्यांनी सहभाग घेतला होता.
कार्यक्रमावेळी ज्येष्ठ पत्रकार व सदस्यांना मुख्यमंत्री शिंदे व उपसभापती डॉ. गोऱ्हे यांच्या हस्ते सन्मानचिन्ह व मानपत्र देऊन गौरविण्यात आले.