Deepak Kulkarni
तुमच्या आयुष्यातील संकटांना कधीच सांगायचं नसतं, परिस्थिती किती अवघड आहे. परिस्थितीला आपले कष्ट,जिद्द,सातत्यं यांंनी दाखवून द्यायचं, किती ध्येय त्यापेक्षा मोठं आहे. तसंच काहीसं एका आयएएस अधिकारीसाठी लागू होतं.
उत्तराखंडमधील ऋषिकेश ते IAS अधिकारी होण्यापर्यंतचा नमामी बन्सलचा प्रवास नक्कीच संघर्षमय आणि अनेकांंना प्रेरणा देणारा असाच राहिला आहे.
आर्थिक परिस्थिती जेमतेम असलेल्या नमामी यांनी आपल्या कुटुंबावर आपल्या शिक्षणाचं ओझं न टाकता यूपीएससीची वाट चोखाळली आणि आयएएसपर्यंत मजल मारली.
हृषिकेशची रहिवासी असलेल्या नमामी यांच्या वडिलांचा भांड्यांचा व्यवसाय होता. त्यामुळे त्यांंना त्यांच्या अभ्यासासाठी मोठा खर्च करणं जमणार नव्हतं.
अफाट जिद्दीच्या जोरावर UPSC नागरी सेवा परीक्षेत तीन अयशस्वी प्रयत्नांवर मात करून, तिने 2017 च्या परीक्षेत 17 वा क्रमांक मिळवला.
अर्थशास्त्रात पदव्युत्तर शिक्षण घेतलेल्या नमामी या सुवर्णपदक विजेत्या आहेत.
वाचन आणि लेखनाची प्रचंड आवड आहे. शालेय जीवनात त्यांची कामगिरी उल्लेखनीय अशीच राहिली आहे.
नमामि या उत्तम योगा करतात. त्यांची सोशल मीडियावर मोठी क्रेझ आहे.
अपयशापुढे न कधीच झुकायचं नाही हा यशाचा कानमंत्रच नमामी यांनी आपल्या संघर्षमय प्रवासातून दिला आहे.