Ganesh Sonawane
नाशिक-त्र्यंबकेश्वर सिंहस्थ कुंभमेळ्याच्या ध्वजारोहण सोहळ्यासाठी राष्ट्रपती द्रौपदी मुर्मू यांना अधिकृत निमंत्रण देण्यात आले आहे. ३१ ऑक्टोबरला हा सोहळा आहे.
मुख्यमंत्री देवेंद्र फडणवीस यांच्या नेतृत्वाखालील शिष्टमंडळाने बुधवारी राष्ट्रपती भवनात हे निमंत्रण दिले.
यावेळी राष्ट्रपतींना दिलेल्या विशेष भेटवस्तू संचात (निमंत्रण पेटीत) महाराष्ट्राच्या वैविध्यपूर्ण वारशाचे दर्शन घडविणाऱ्या कलाकृती आहेत.
आदिवासी विकास विभागाच्या ‘शबरी नॅचरल्स’च्या उत्पादनांचा यात समावेश आहे.
अगरबत्ती, भरडधान्यांपासून बनविलेले पदार्थ, मोहफुलांपासून बनविलेली उत्पादने, बांबूच्या वस्तू आणि वनमध यातून आदिवासींचे पारंपरिक ज्ञान आणि उद्योजकतेचे दर्शन घडते.
महाराष्ट्राच्या वस्त्रपरंपरेचा मानबिंदू असलेली येवला पैठणी भेट देण्यात आली.
नाशिकच्या कृषी समृद्धीचे प्रतीक असलेल्या काळा मनुका, काजूचा आणि नाशिकच्या खाद्यसंस्कृतीचे प्रतीक असलेल्या चिवड्याचाही या संचात समावेश आहे.
यासोबत निवडक मिठाई आणि सुकामेवादेखील भेट म्हणून देण्यात आला.