सरकारनामा ब्यूरो
पंतप्रधान नरेंद्र मोदी यांच्या पर्सनल सेक्रेटरी म्हणून निधी तिवारी यांची नियुक्ती करण्यात आली आहे. जाणून घेऊयात त्याच्यांबद्दल...
पर्सनल सेक्रेटरी म्हणून नियुक्ती करण्यात आलेल्या यूपीच्या निधी तिवारी 2014 बॅचच्या Indian Foreign Service (IFS) च्या अधिकारी आहेत.
2022 ला निधी तिवारी यांची नियुक्ती पंतप्रधान कार्यालयात (पीएमओ) उपसचिव म्हणून करण्यात आली.
याआधी त्या परराष्ट्र मंत्रालयात निःशस्त्रीकरण आणि आंतरराष्ट्रीय सुरक्षा व्यवहार विभागात उप सचिव म्हणून कार्यरत होत्या.
त्यांनी आतापर्यंत परराष्ट्र मंत्रालयात अनेक महत्त्वाच्या विभागातील कार्यभार सांभाळला आहे. यामुळे त्यांची नियुक्ती पंतप्रधानांच्या 'पर्सनल सेक्रेटरी' (PS) म्हणून केली आहे.
निधी तिवारी पीएम मोदी यांचे दैनंदिन प्रशासकीय कामे ,पंतप्रधानांच्या बैठका, परदेश दौऱ्यांची तयारी आणि धोरणात्मक निर्णयांमध्ये समन्वय साधणे अशी महत्त्वाची कामे सांभाळणार आहेत.
पंतप्रधान कार्यालयात पर्सनल सेक्रेटरी म्हणून नियुक्ती झालेल्या अधिकाऱ्याला 14व्या मॅट्रिक्स स्तरानुसार दरमहा 1,44,200 रुपये इतके वेतन असते. याचबरोबर महागाई भत्ता (DA), घर भत्ता (HRA), प्रवास भत्ता (TA) दिला जातो.