Deepak Kulkarni
केंद्रीय मंत्री नितीन गडकरी हे नेहमी त्यांच्या पायाभूत सुविधा जलद विकास, महामार्ग बांधणी आणि आधुनिक तंत्रज्ञानाच्या वापरासाठी ओळखले जाणारे 'इन्फ्रा मॅन' म्हणून ओळखले जातात.
गडकरींनी एका नवीन पोर्टलचे उद्घाटन केले. या नवीन पोर्टलच्या लाँचिंगमुळे लोकांना मोठा फायदा होणार आहे.
यापुढे जर तुम्हाला देशातील राष्ट्रीय हायवेवर स्वतःचा व्यवसाय सुरू करायचा असेल, तर आता कोणत्याही प्रकारच्या अडचणींना तुम्हांला सामोरे जावे लागणार नाही.
केंद्रीय रस्ते वाहतूक आणि महामार्ग मंत्रालयाकडून आता राजमार्ग प्रवेश पोर्टलची अत्याधुनिक आवृत्ती लाँच करण्यात आली आहे. हे पोर्टल राष्ट्रीय महामार्गांशी संबंधित ना हरकत प्रमाणपत्रे आणि इतर आवश्यक मान्यता मिळविण्याच्या प्रक्रिया सुलभ करणार आहे.
हायवेवर विविध प्रकारच्या मंजुरी हे पोर्टल देणार आहे. महामार्गालगत भूखंड घेण्यास इच्छुक असलेले कोणीही येथे अर्ज करू शकतात.
सरकारच्या या नव्या पोर्टलमुळे पेट्रोल पंप, हॉटेल, विश्रांती गृह रस्त्याच्या कडेला सुविधा किंवा जोडणी रस्त्यासाठी देखील अर्ज दाखल करता येणार आहे.
हायवेच्या कडेला कोणताही नवा स्वत:चा व्यवसाय सुरू करण्यासाठी पेट्रोल पंप, हॉटेल किंवा फूड कोर्ट उघडण्यासाठी तुम्हाला वेगवेगळ्या कार्यालयांच्या उंबरठे झिजवाव्या लागणार नाहीत.
केंद्र सरकारनं 'राजमार्ग प्रवेश' नावाचं नवीन ऑनलाइन पोर्टल सुरू केल्यामुळे आता प्रक्रिया वेगवान, पारदर्शकतेसह सहज असणार आहे.
या पोर्टलवर दाखल अर्जाची सद्यस्थिती ऑनलाइनरित्या तपासता येणार आहे. त्याचसोबत या परवानग्या वेळेत देणंही बंधनकारक असणार आहे.