Amit Ujagare
पंतप्रधान नरेंद्र मोदी गेल्या अनेक वर्षांपासून नवरात्रीत नऊ दिवस उपवास धरतात तसंच या काळात ते कठोर नियमांचं पालन करतात.
काही महिन्यांपूर्वी अमेरिकन पॉडकास्ट लेक्स फ्रिडमन यांच्या पॉडकास्टवर खास मुलाखती दरम्यान मोदींनी आपला नवरात्रीतला दिनक्रम सांगितला होता.
मोदी म्हणाले होते की, मी उपवास धरण्यापूर्वी पाच ते सात दिवस संपूर्ण शरीर योगासन आणि आयुर्वेदीक उपचारांच्या सहाय्यानं निर्मळ करतो.
उपवासाला सुरुवात करण्यापूर्वी मी भरपूर पाणी पितो, त्यामुळं शरीरातील विषारी घटक बाहेर पडतात आणि शरीर चांगलं डिटॉक्स होतं.
माझ्यासाठी उपवास म्हणजे एक शिस्त असते, मी उपवासाच्या काळात कितीही वेळ बाहेर असलो तरी अंतर्मानात रमलेला असतो.
मी पुस्तक वाचून किंवा कोणाच्या उपदेशामुळं उपवास करत नाही, तर शालेय दिवसांपासून मी उपवास करतो आहे.
उपवासाच्या काळात माझी नेहमीची कामं कधीही थांबत नाही, उपवासाच्या काळातही मी तितकंच किंवा त्यापेक्षाही अधिक काम करतो.
पावसाळ्यात पचन शक्ती कमी होत असल्यानं या काळात मी २४ तासांत एकदाच जेवण करतो.