सरकारनामा ब्यूरो
27 व्या राष्ट्रीय युवा महोत्सवासाठी पंतप्रधान नरेंद्र मोदी नाशिक दौऱ्यावर आहेत.
नाशिक विमानतळावर सर्व उपस्थितांनी प्रधानमंत्री मोदींना पुष्पगुच्छ दिले.
यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांनी त्यांचे नाशिकमध्ये स्वागत केले.
तसेच राज्याचे प्रधान सचिव नितीन करीर, पोलिस महासंचालक रश्मी शुक्ला, नाशिक विभागीय आयुक्त राधाकृष्ण गमे, जिल्हा पोलिस अधीक्षक हेही उपस्थित होते.
नाशिकमध्ये दाखल होताच त्यांचा 1.2 किमीचा भव्य रोड शो झाला.
रंगीबेरंगी फुलांनी सजवलेल्या खास गाडीतून पंतप्रधान मोदींनी रोड शो केला. यावेळी नाशिककरांनी त्यांच्या फुलांचा वर्षाव करत त्यांचे शहरात स्वागत केले.
रोड शो नंतर नाशिकच्या ऐतिहासिक काळाराम मंदिरात त्यांनी दर्शन घेतले. विधिवत पूजा करुन प्रभू श्रीरामाची महाआरती केली.
यावेळी मोदींनी प्रधान संकल्प, भावार्थ रामायण पाठ आणि रामरक्षा पठण केले.
राष्ट्रीय युवा महोत्सवासाठी नाशिक दौऱ्यादरम्यान मोदींनी स्वामी विवेकानंद यांच्या जयंतीनिमित्त त्यांना पुष्पांजली अर्पण केली.