अनुराधा धावडे
नोटीस मिळाल्यानंतर राहुल गांधी यांनी शनिवारी (२२ एप्रिल) 12, तुघलक लेन येथील सरकारी बंगला रिकामा केला.
राहुल गांधींनी स्वत: बंगल्याचा दरवाजा लावून घेतला आणि तिथे उपस्थित असलेल्या लोकसभा सचिवालयाच्या अधिकाऱ्यांना चाव्या दिल्या.
भारतातील जनतेने मला 19 वर्षे हे घर दिले, मला त्यांचे आभार मानायचे आहेत. सत्य बोलण्याची ही किंमत आहे. सत्य बोलण्यासाठी मी कोणतीही किंमत मोजायला तयार आहे, अशी भावना यावेळी राहुल गांधींनी व्यक्त केली.
राहुल गांधी त्यांच्या आई सोनिया गांधी यांच्या निवासस्थानी राहायला गेले. जवळपास दोन दशके ते तिथे राहत होते. यावेळी सोनिया गांधीही उपस्थित होत्या.
प्रियंका गांधी वाड्रा म्हणाल्या की, माझा भाऊ जे काही बोलत आहे ते खरे आहे. आम्ही घाबरत नाही. भावाने जे सांगितले ते अगदी खरे आहे.
बंगला सोडताना राहुल गांधींसोबत त्यांच्या पक्षातील काही सहकारीही बंगल्यावर दाखल झाले होते.
इतके वर्षे बंगल्यात काम करणाऱ्या सहकाऱ्यांचा त्यांनी हात जोडून निरोप घेतला. यावेळी त्यांचे सहकारीही भावूक झाल्याचे पाहायला मिळाले
सरकार राहुल गांधींना झालेल्या या कारवाईनंतर काँग्रेसने सोशल मीडियावर मेरा घर आपका घर मोहीम सुरू केली आहे.
बंगला पुर्णपणे रिकामा केल्यानंतर राहुल गांधी आई सोनिया गांधी यांच्या निवासस्थानाकडे रवाना झाले.