Ganesh Sonawane
जवळपास २३ वर्षानंतर राज-उद्धव हे दोन्ही ठाकरे बंधू नाशिकमध्ये (९ जानेवारी २०२६) रोजी एकत्र आले.
नाशिक महापालिका निवडणुकीसाठी दोन्ही बंधूंची युती झाली असून नाशिकच्या हुतात्मा कान्हेरे मैदानावर दोघांची संयुक्त सभा झाली.
परंतु २३ वर्षांपूर्वी नाशिकमध्ये दोन्ही ठाकरे बंधू नेमके कधी व कशासाठी एकत्र आले होते ते जाणून घेऊया..
नाशिकच्या गोदापार्कच्या भूमीपूजन सोहळ्यासाठी ९ मार्च २००३ रोजी राज आणि उद्धव ठाकरे एका व्यासपीठावर आले होते.
या सोहळ्याचे भूमिपूजन तत्कालीन महापौर दशरथ पाटील यांना खरेतर शिवसेनाप्रमुख बाळासाहेब ठाकरे यांच्या हस्ते करावयाचे होते.
परंतु, बाळासाहेब ठाकरे यांनीच उद्धव आणि राज ठाकरे यांना निमंत्रित करण्याची सूचना केली. त्यानुसार हा कार्यक्रम पार पडला.
या कार्यक्रमास उद्धव व राज ठाकरे हे स्वतंत्रपणे नाशिकला आले होते. राज हे आदल्या दिवशीच नाशिकला मुक्कामी होते.
त्यानंतर आता तब्बल २३ वर्षांनंतर ९ जानेवारी २०२६ ला उद्धव आणि राज हे ठाकरे बंधू नाशिकमध्ये पुन्हा एकत्र आल्याने या जुन्या आठवणी ताज्या झाल्या.