सरकारनामा ब्यूरो
उत्तर प्रदेशमधील मिर्झापूरची सानिया मिर्झा देशाची पहिली मुस्लिम महिला फायटर पायलट बनणार आहे.
सानिया नॅशनल डिफेन्स अकादमीची (NDA) परीक्षा 149 व्या रँकने पास झाली आहे. 27 डिसेंबर रोजी पुण्यातील प्रशिक्षणाला सुरुवात करणार आहे.
मिर्झापूरपासून 10 किमी अंतरावर असणाऱ्या जसोवर गावची रहिवासी असून सानियाने गावामधील शाळेत 10 वी पर्यंतचे शिक्षण घेतले. मिर्झापूरमधून १२ वीची परीक्षा उत्तीर्ण केली आहे.
सानियाचे वडील शाहिद अली टीव्ही मेकॅनिक असून गावातील घरातच त्यांचे दुकान आहे. तिचे वडील म्हणतात, " फायटर पायलट म्हणून निवड होणारी सानिया देशाची दुसरी मुलगी आहे. ही आमच्यासाठी अभिमानाची गोष्ट आहे. मी केवळ तिची इच्छा पूर्ण करण्यास मदत केली."
सानियाची आई तबस्सुम मिर्झा म्हणतात, "माझ्या मुलीने अवघ्या गावाची मान उंचावली आहे. तिने फायटर पायलट बनण्याचे स्वप्न पूर्ण करून गावातील सर्वच मुलींना प्रेरित केले आहे."
हा तिचा 'एनडीए'चा दुसरा प्रयत्न होता. पहिल्या प्रयत्नात तिची निवड झाली नव्हती. सानिया म्हणाली, "फायटर पायलट बनणे हे माझे ध्येय होते."
सानिया मिर्झा ही देशातील दुसरी अशी मुलगी आहे, जीची फायटर पायलट म्हणुन निवड झाली आहे.