Deepak Kulkarni
शहाजीबापू पाटील हे शिवसेने (शिंदे गट)चे सांगोला मतदारसंघाचे आमदार आहेत.
विद्यार्थी दशेपासून ते काँग्रेसचे कार्यकर्ते होते.
१९८५ मध्ये त्यांनी शेतकरी कामगार पक्षाचे नेते गणपतराव देशमुख यांच्याविरोधात निवडणूक लढवली. मात्र, पाटलांचा पराभव झाला.
१९९५ मध्ये शहाजी बापू पाटील अवघ्या १९२ मतांनी निवडून आले.
गणपतराव देशमुख यांचा त्यांनी पराभव केला. मात्र, त्यानंतर झालेल्या चार विधानसभा निवडणुकांमध्ये पाटलांचा पराभव झाला.
२०१९ मध्ये पाटील यांनी शिवसेनेत प्रवेश केला. त्यांना विधानसभा निवडणुकीचं तिकीट मिळालं. चार पराभव पाहिल्यानंतर पाटील पुन्हा विजयी झाले.
गणपतरावांच्या नातवाचा पराभव अवघ्या ७६८ मतांनी पराभव करत पाटील विधानसभेत पोहोचले.
२०१९ मध्ये शहाजीबापू पाटलांनी भाजपकडे तिकीट मागितलं होतं.
जागावाटपात हा मतदारसंघ शिवसेनेकडे असल्यानं फडणवीस यांनी पाटलांनी सेनेत जाण्यास सांगितलं आणि त्यांना सांगोल्यातून निवडून आणलं.
शिवसेनेतील बंडाळीनंतर बापूंनी उध्दव ठाकरेंची साथ सोडत शिंदेंसोबत जाण्याचा निर्णय घेतला.
गुवाहाटीतील 'काय हाटील, काय झाडी, काय डोंगर सगळं कसं एकदम ओक्के...' या डायलॉगमुळे बापूंना मोठी प्रसिध्दी मिळाली.
आता शिंदे फडणवीस सरकारच्या मंत्रिमंडळाच्या विस्ताराचा मार्ग मोकळा झाल्यानं शहाजीबापूंना मंत्रिपद दिलं जाईल व सांगोल्याला 'लाल दिव्या'ची गाडी मिळेल अशी सर्वत्र चर्चा आहे.