Pradeep Pendhare
NEET पेपरफुटी घोटाळ्यानंतर दिल्लीतील 'कॉक्रोच जनता पार्टी' आणि विद्यार्थ्यांच्या ऐतिहासिक आंदोलनापुढे केंद्रातील मोदी सरकारला झुकावे लागले.
केंद्रीय शिक्षण मंत्री धर्मेंद्र प्रधान यांनी राजीनामा देताच, या मोठ्या लढ्याला यश येताच, देशभरातून या निर्णयाचे स्वागत झाले.
अभिनेत्री श्वेता तिवारी हिने मात्र यावर अभिजित दिपके यांना मारलेला एक उपरोधिक टोमणा तिच्या चांगलाच अंगलट आला आहे.
नेटिझन्सनी श्वेता तिवारीला सोशल मीडियावर इतके तुफान ट्रोल केले आहे की, तिची बोलतीच बंद झाली आहे.
अभिजित दिपके यांचा व्हिडिओ शेअर करत श्वेताने इन्स्टाग्राम स्टोरीवर, "आता पंजाबचे शिक्षण मंत्री कधी राजीनामा देणार? आणि तिथे CJP आंदोलन कधी सुरू करणार?"
पंजाबमध्ये 'आप'चे सरकार असल्याने श्वेताने CJPवर राजकीय टिप्पणी केली. तिचा हा टोमणा आंदोलक विद्यार्थ्यांना आणि नेटकऱ्यांना मुळीच आवडला नाही.
एका युजरने उपरोधिकपणे लिहिले, "मॅडम, CJPवर अवलंबून राहण्यापेक्षा तुम्हीच पुढाकार घ्या आणि पंजाब सरकारविरुद्ध उपोषण सुरू करा. आम्ही तुमच्यासोबत आहोत!" असे म्हटले.
"21 मृत विद्यार्थ्यांच्या न्यायासाठी 36 दिवस रक्ताचे पाणी केले, त्यांना विचारण्यापेक्षा तुम्ही फक्त रील्स बनवा आणि ब्रँड प्रमोशन करा." असा सणसणीत टोला लगावला.
"तुमच्या मुलीला सोबत घ्या अन् पंजाबला आंदोलनाला बसा, आम्ही 20 दिवसांनी तुम्हाला जॉईन करतो," असा उपरोधिक सल्लाही दिला.