Rashmi Mane
महाराष्ट्रातील मतदार याद्यांच्या विशेष सखोल पडताळणीची SIR प्रक्रिया पूर्ण झाली आहे. गणना अर्जांच्या डिजिटायझेशनची मुदतही सोमवारी संपली.
24 ऑगस्ट 2026 रोजी प्रारूप मतदार यादी प्रसिद्ध होणार आहे. या यादीत आपलं नाव आहे की नाही, हे प्रत्येक मतदाराने तपासणं महत्त्वाचं आहे.
प्रारूप यादीत नाव आढळलं नाही तरी घाबरू नका. तुमच्याकडे नाव पुन्हा समाविष्ट करण्यासाठी दावा दाखल करण्याची संधी असेल.
24 ऑगस्ट ते 23 सप्टेंबर या कालावधीत मतदारांना नाव समाविष्ट करण्यासाठी दावा दाखल करता येणार आहे. चुकीच्या नोंदी असल्यास हरकतही नोंदवता येईल.
24 ऑगस्टला यादी प्रसिद्ध झाल्यानंतर शक्य तितक्या लवकर आपलं नाव तपासा. नाव नसेल तर दावा दाखल करण्यासाठी आवश्यक प्रक्रिया तातडीने सुरू करा.
मतदारांकडून दाखल करण्यात आलेले दावे आणि हरकती निवडणूक यंत्रणेकडून तपासले जातील. त्यानंतर आवश्यक प्रक्रिया पूर्ण केली जाईल.
सर्व हरकतींच्या प्रक्रियेनंतर 27 ऑक्टोबर 2026 रोजी अंतिम मतदार यादी प्रसिद्ध होणार आहे.
प्रारूप यादीत नाव नसणं म्हणजे संधी संपली असं नाही. तर 24 ऑगस्टनंतर नाव तपासा आणि नाव नसल्यास 23 सप्टेंबरपूर्वी दावा दाखल करण्याची संधी नक्की वापरा.