सरकारनामा ब्युरो
कर्नाटक चित्रपटसृष्टीतील सुपरस्टार अभिनेता किच्छा सुदीप विधानसभेच्या मैदानात उतरणार आहे.
अभिनेता सुदीपचे नाव भाजपच्या स्टार प्रचारकांत असण्याची शक्यता आहे.
"मी निवडणूक लढवणार नाही, तर फक्त मित्रांसाठी प्रचार करणार आहे", असे सुदीपने स्पष्ट केले आहे.
सुदीपचा जन्म सप्टेंबर १९७३ मध्ये कर्नाटकातील शिमोगा जिल्ह्यात झाला.
अभिनेता होण्यापूर्वी सुदीप क्रिकेटपटू होता. त्याने अंडर १७, अंडर १९ संघांमध्ये कर्नाटकचे प्रतिनिधित्व केलेले आहे.
बेंगळुरू येथील दयानंद सागर कॉलेज ऑफ इंजिनिअरिंगमधून पदवी घेतली.
सुदीपने १९९७ मध्ये अभिनय क्षेत्रात पदार्पण केले.
त्याने २००१, २००२ आणि २००३ अशी सलग तीन वर्षे सर्वोत्कृष्ट अभिनेत्याचा फिल्मफेअर (कन्नड) पुरस्कार जिंकला आहे.
त्याच्या पत्नीचे नाव प्रिया सुदीप असून त्यांना सान्वी नावाची मुलगी आहे.
दरम्यान, सुदीपला धमकीचे एक पत्र आले आहे. त्याला उत्तर देणार असल्याचेही त्याने सांगितले.