Deepak Kulkarni
महाराष्ट्राच्या राजकारणाचा इतिहास जेव्हा लिहिला जाईल तेव्हा शालिनीताई पाटील हे नाव हमखास त्यात घ्यावं लागेल.
पश्चिम महाराष्ट्राच्या सहकार उद्योगावर जबरदस्त पकड असणाऱ्या आणि माजी मुख्यमंत्री स्व. वसंतदादा पाटील यांच्या त्या द्वितीय पत्नी शालिनीताई पाटील आहेत.
वसंतदादांच्या सावलीशिवाय शालिनीताई यांचं महाराष्ट्राच्या राजकारणात स्वतंत्र अस्तित्व आहे..
उच्चशिक्षित, हुशार, राजकारणातील डावपेच अनुभवलेल्या, प्रशासनाचा चांगला अभ्यास होता.
१९८० साली सातारा लोकसभेत यशवंतरावांच्या विरोधात निवडणूक लढवण्याचं धाडस त्यांनी दाखवलं होतं.
एकेकाळी मुख्यमंत्रीपदाच्या शर्यतीत त्यांचं नाव आघाडीवर होतं. वसंतदादा पाटलांनी त्यावेळी मुख्यमंत्री होऊ दिलं नाही असा त्यांचाच आरोप आहे...
वसंतदादांच्या मृत्यूनंतर काही वर्षांनी त्यांनी राष्ट्रवादीमध्ये प्रवेश केला पण त्यांना मुख्यमंत्रीपद सोडा पण स्वतःच्या बळावर मंत्रिपदापर्यंत देखील पोहचता आलं नाही.
माजी मंत्री शालिनीताई पाटील या शरद पवार यांच्या कट्टर राजकीय विराेधक म्हणून ओळखल्या जातात.
अजित पवारांवर गंभीर आरोप करीत त्यांना अध्यक्ष करु नये असं विधान त्यांनी केलं आहे.
योग्य पर्याय समोर येत नाही तोपर्यंत शरद पवारांनी निवृत्ती घेऊ नये असा सल्लाही शालिनीताई पाटलांनी दिला आहे.