सरकारनामा ब्यूरो
महाराष्ट्राच्या राजकारणाचा विचार केला तर अजित पवार आणि सुप्रिया सुळे यांचं नाव समोर येतं. चुलत भावंड असूनसुद्धा त्यांच्या नात्यामधील गोडवा कायम आहे.
महाराष्ट्राच्या राजकारणातील दुसरी चर्चेत असलेली बहिण-भावाची जोडी म्हणजे, पंकजा मुंडे आणि धनंजय मुंडे.
सुनील तटकरे यांचे पुत्र अनिकेत तटकरे कोकण स्थानिक स्वराज्य मतदारसंघातून निवडून आलेले विधान परिषद सदस्य, तर मुलगी आदिती तटकरे या श्रीवर्धनच्या आमदार आहेत.
काँग्रेसचे नेते राहुल गांधी आणि प्रियांका गांधी ही राजकारणातील सर्वात चर्चेत असलेली भाऊ-बहिणीची जोडी आहे.
काँग्रेसचे नेते बाळासाहेब थोरात आणि दुर्गा तांबे ही जोडी देखील महाराष्ट्राच्या राजकारणातील महत्वाची बहिण-भावाची जोडी मानली जाते.
तामिळनाडूच्या राजकारणात वर्चस्व असलेल्या एम. करुणानिधींचा मुलगा स्टॅलिन आणि मुलगी कनिमोळी यांनी देखील 'डीएमके' पक्षाच्या माध्यमातून राज्यामध्ये छाप सोडली आहे.
तेजस्वी यादव आणि मिसा भारती ही भावा-बहिणीची जोडी देखील राजकारणात सक्रिय आहे. तेजस्वी यादव हे बिहारचे उपमुख्यमंत्री तर मिसा भारती या खासदार आहेत.