Rashmi Mane
विजयसिंह मोहिते-पाटील हे सोलापूर जिल्ह्यामधील एक ज्येष्ठ राजकारणी व राज्याचे माजी उप-मुख्यमंत्री आहेत.
सोलापूर जिल्हाच्या राजकारणात मोहिते पाटील कुटुंबीयांचे एकहाती वर्चस्व राहिले आहे.
काँग्रेसचे जेष्ठ नेते शंकरराव मोहिते यांच्या निधनानंतर त्यांचा वारसा त्यांचा मुलगा विजयसिंह मोहिते पाटील यांच्याकडे आला. 60 च्या दशकात अकलूज ग्रामपंचायतीचे सदस्य आणि सरपंच राहिले आहेत.
1971 ते 1979 च्या दरम्यान त्यांनी सोलापूर जिल्हा परिषदेचे सदस्य तसेच अध्यक्षपद भूषवले.
1980 ते 2009 असे जवळपास 29 वर्ष ते माळशिरसचे आमदार होते.
मोहिते पाटील यांनी राज्य सरकारमध्ये सार्वजनिक बांधकाम विभाग, पर्यटन व ग्रामविकास विभागाचे मंत्री म्हणून काम पाहिले आहे.
२०१४ साली ते राष्ट्रवादी काँग्रेसच्या तिकिटावर माढा लोकसभा मतदारसंघातून निवडून गेले.