Today Historical Events : ...म्हणून आजचा दिवस का महत्त्वाचा!

1920 : भारताचे दहावे राष्ट्रपती के. आर. नारायणन यांचा जन्म. 1992 मध्ये त्यांची उपराष्ट्रपतिपदी निवड झाली. अनुसूचित जातीतील व्यक्तीची निवड होणारे ते प्रथम उपराष्ट्रपती होत. अत्यंत बुद्धिमान विद्यार्थी, शिक्षक, पत्रकार, यशस्वी राजदूत, लेखक, संशोधक, खासदार, मंत्री अशा विविध भूमिका त्यांनी समर्थपणे पार पाडल्या. "नॉन अलायनमेंट ऑफ कॉन्टेम्पररी इंटरनॅशनल रिलेशन' आणि "इंडिया ऍन्ड अमेरिका ः एसेज इन अंडरस्टॅंडिंग' हे दोन ग्रंथही त्यांच्या नावावर आहेत.

1958 : पाकिस्तानात लष्करी उठाव जनरल अयुब खान यांनी राष्ट्राध्यक्ष इस्कंदर मिर्झा यांना पदच्युत केले

1987 : भारताचे माजी कसोटीपटू, उद्योगपी व सामाजिक कार्यकर्ते विजय मर्चंट यांचे निधन

1991: तुर्कमेनिस्तान रशियापासून स्वतंत्र

2001 : स्वातंत्र्यप्राप्तीनंतर काही महिन्यांतच पाकिस्तानी रझाकारांनी काश्‍मीरवर केलेले आक्रमण हाणून पाडण्यासाठी प्राणार्पण केलेल्या गुरखा रायफल्सच्या जवानांच्या स्मृतिप्रीत्यर्थ चोपन्नावा "पायदळ दिन' देशभर साजरा.

2003 : पॉंडिचेरीचे नायब राज्यपाल के. आर. मलकानी यांचे निधन. राष्ट्रीय स्वयंसेवक संघाच्या प्रमुख विचारवंतांमध्ये मलकानी यांचा समावेश होता. संघाच्या "ऑर्गनायझर' या मुखपत्राचे ते 1949 आणि 1983 मध्ये संपादक होते. भारतीय जनता पक्षाचे ते एक प्रमुख नेते होते.

2004 : संपूर्ण स्वदेशी बनावटीच्या मध्यम पल्ल्याच्या पृथ्वी-3 या क्षेपणास्त्राची चंडीपूर येथे यशस्वी चाचणी. सुमारे 250 ते 300 किलोमीटरची मारक क्षमता असणारे हे क्षेपणास्त्र नौदलासाठी वापरण्यात येणार आहे.

Next : कोण आहेत दुसऱ्या यादीतील शरद पवार पक्षाचे शिलेदार?