Akshay Sabale
विधानपरिषदेसाठी भाजपनं 5 उमेदवार जाहीर केले आहेत. त्यात अण्णाभाऊ साठे महामंडळाचे माजी अध्यक्ष, भाजप नेते अमित गोरखे यांना उमेदवारी जाहीर केली आहे.
मूळ श्रीगोंद्यातील असलेले गोरखे 40 वर्षापासून पिंपरी-चिंचवडचे रहिवाशी आहेत.
गोरखे यांचं शिक्षण एम. ए ( समाजशास्त्र ) आणि एम.बी.ए ( मानव संसाधन ) मध्ये झालं आहे.
गोरखे यांनी नोव्हेल शिक्षण संस्थेच्या माध्यमातून शैक्षणिक क्षेत्रात भरघोस काम केलं आहे.
अनुसूचित जातीतील शैक्षणिक कार्यासाठी भारत सरकारनं राष्ट्रीय युवा पुरस्कारानं 2014 साली गोरखेंना सन्मानित केलं होतं.
राष्ट्रीय स्वयंसेवक संघाशी गोरखे यांची लहानपणापासून नाळ जोडली आहे. वृत्तपत्र विक्रेता ते विधानपरिषद उमेदवार, असा त्यांचा प्रवास आहे.
गोरखे सध्या भाजपचे प्रदेश सचिव आहेत. त्यासह पिंपरी विधानसभा निवडणूक प्रमुख, अशी जबाबदारीही त्यांच्यावर आहे.