सरकारनामा ब्युरो
भाजपच्या दिग्गज नेत्या सुषमा स्वराज यांच्या कन्या बांसुरी स्वराज यांनी राजकारणात प्रवेश केला आहे.
बांसुरी या माजी परराष्ट्र व्यवहार मंत्री सुषमा स्वराज आणि स्वराज कौशल यांच्या एकुलत्या एक कन्या आहेत.
बांसुरी स्वराज यांची दिल्ली भाजपच्या कायदेशीर टीममध्ये सहसंयोजक म्हणून नियुक्ती करण्यात आली आहे.
वॉरविक विद्यापीठातून इंग्रजी साहित्यात बीए केले. त्यानंतर त्यांनी लंडनमधील बीपीपी लॉ स्कूलमध्ये कायद्याचा अभ्यास केला.
स्वराज यांनी 2007 मध्ये दिल्लीच्या बार कौन्सिलमध्ये नावनोंदणी केली. त्यांना कायदेशीर व्यवसायात 16 वर्षांचा अनुभव आहे. त्या दिल्ली उच्च न्यायालय तसेच सर्वोच्च न्यायालयात प्रॅक्टिस करतात.
दिल्लीच्या राजकारणात सुषमा स्वराज यांच्या निधनानंतर भाजपला चांगल्या प्रवक्त्याची उणीव भासत होती. ती बांसुरी यांच्या माध्यमातून पूर्ण होऊ शकते.
बांसुरी या २०२४ ची लोकसभा किंवा २०२५ ची दिल्ली विधानसभा निवडणूक लढविण्याची शक्यता आहे.