Rashmi Mane
राज्यातील सर्वपक्षीय २२ आमदारांचा युरोप दौऱ्यावर जाणार आहेत.
या दौऱ्यात महिलांच्या प्रश्नांवर अभ्यास केला जाणार आहे. युरोप खंडातील जर्मनी, नेदरलँड आणि इंग्लंड या प्रगत देशांमध्ये या आमदारांचा अभ्यास दौरा असणार आहे. आमदारांच्या या अभ्यास दौऱ्यात स्त्री-सक्षमीकरणावर भर असणार आहे.
शिंदे- फडणवीस-पवार सरकारच्यावतीने मनिषा कायंदे युरोप दौऱ्यावर जात आहेत.
मनिषा कायंदे या विधान परिषेदेच्या सदस्या आहेत. प्रसिद्ध नेत्ररोग तज्ज्ञ डॉ. श्यामसुंदर कायंदे आणि सुशीला कायंदे यांच्या त्या कन्या आहेत. त्यांनी परळच्या महर्षी दयानंद महाविद्यालयात प्राध्यापिका म्हणून काम पाहिलं आहे.
लहानपणापासून संघाचे संस्कार झालेल्या कायंदे यांनी भाजपमधून त्यांच्या राजकारणास सुरुवात केली. अयोध्येला जाऊन आल्यानंतर त्यांनी भाजपमध्ये काम सुरू केलं. तब्बल 25 ते 30 वर्षे त्यांनी भाजपमध्ये काम केलं.
या काळात त्यांनी जयवंतीबेन मेहता, सुषमा स्वराज, राजमाता विजयाराजे शिंदे यांच्यासोबतही काम करण्याची संधी मिळाली. 1997मध्ये त्यांनी नगरसेवकपदाची निवडणूक लढवली. शेवटच्या क्षणी उमेदवारी मिळाल्याने त्यांचा निसटता पराभव झाला.
2009मध्ये त्यांनी सायन कोळीवाडामधून विधानसभेची निवडणूक लढवली. मात्र, मनसेची लाट असल्याने त्यांचा पराभव झाला. पराभव होऊनही त्या थांबल्या नाहीत. त्यांनी विविध प्रश्नांवर सुमारे सव्वाशे आंदोलने केली.
महिलांना न्याय मिळावा म्हणून त्या 'अवनी' या संस्थेमार्फत स्त्री शक्ती केंद्र चालवत आहेत. कायंदे यांनी 11 वर्षे मुंबई महापालिकेच्या शिक्षण समिती सदस्या म्हणून काम पाहिले. महिलांवरील अत्याचार, महिला आरक्षण, महिलांच्या रेल्वे प्रवासातील समस्या आदी प्रश्नांवर त्यांनी सातत्याने आंदोलने केली होती.