सरकारनामा ब्यूरो
काँग्रेसचे बडे नेते भाजपमध्ये प्रवेश करणार असल्याच्या चर्चांना उधाण आलं होतं.
यात माजी मंत्री व ज्येष्ठ काँग्रेस नेते अशोक चव्हाणांचं नाव असल्याचं बोललं जात होतं.
चव्हाणांनी उपमुख्यमंत्री देवेंद्र फडणवीस यांची भेट झाल्याचीही चर्चा होती.
आगामी काळात होणाऱ्या लोकसभा, विधानसभा निवडणुकांच्या पार्श्वभूमीवर राज्यात भाजप आणि शिंदे गटात इन्कमिंगची संख्या वाढली आहे.
महाविकास आघाडी मधाील नेते भाजपमध्ये प्रवेश करण्यासाठी उत्सुक असल्याची चर्चा जोर धरतांना दिसली. मात्र, अशोक चव्हाणांनी भाजप प्रवेश करणार नसल्याचं स्पष्ट केलं आहे.
राज्यात शिंदे फडणवीस सरकार सत्तेत आल्यापासून काँग्रेसचे 'सात' आमदार भाजपमध्ये जाण्यासाठी गुडघ्याला बाशिंग बांधून बसले आहेत.
काँग्रेसचे हे 'सात' आमदार कोण याविषयी तर्कवितर्क लढवले जात आहेत.
त्यातचं भाजपचे जेष्ठ नेते आणि महसूलमंत्री राधाकृष्ण विखे पाटील यांनी थेट अशोक चव्हाण यांनाच भाजपमध्ये येण्याची ऑफर दिली आहे.