Rashmi Mane
दिल्लीतील द्वारका येथे 'यशोभूमी कन्व्हेन्शन सेंटर' बांधण्यात आले आहे.
पंतप्रधान मोदी रविवारी (17 सप्टेंबर) ला 'यशोभूमी' सेंटरचं उद्घाटन करणार आहेत.
भारत मंडपम् पेक्षाही भव्य अशा 'कन्व्हेन्शन सेंटर'चे उद्घाटन होणार आहे.
'यशोभूमी कन्व्हेन्शन सेंटर' हे जागतिक दर्जाचे एक्स्पो सेंटर असणार आहे.
हा प्रकल्प ८.९ लाख चौरस मीटर जागेवर विस्तारलेला असून, त्यापैकी १.८ लाख चौरस मीटर जागेवर बांधकाम करण्यात आले आहे. या सेंटरमध्ये सभा, परिषदा, प्रदर्शने आयोजित करता येणार आहेत.
या सेंटरमध्ये एकूण 15 कॉन्फरन्स हॉल आणि 13 बैठक हॉल आहेत. एकाचवेळी 11 हजार लोक एकत्र बसू शकतील एवढा मोठा हॉल आहे.
हे सेंटर पूर्ण झाल्यानंतर ते आशियातील सर्वात मोठे कन्व्हेन्शन सेंटर ठरणार आहे. 2025 मध्ये ते पूर्णपणे तयार होईल.
'यशोभूमी' सेंटर बांधण्यासाठी एकूण 25 हजार कोटी रुपये खर्च करण्यात आला आहे. पहिल्या टप्प्यात 5400 कोटी रुपये खर्च करण्यात आले आहेत. यात एक कन्व्हेन्शन सेंटर, 13 कॉन्फरन्स रूम आणि दोन एक्झिबिशन हॉल आहेत.
दुसऱ्या टप्प्यात तीन प्रदर्शन संकुल, हॉटेल आणि काही कार्यालये बांधण्यात येणार आहेत. येथील सभागृहात 6 हजार लोक एकत्र बसू शकतील एवढी आसन व्यवस्था करण्यात आली आहे.