NCP Politics : अजित पवारांनी काढला हुकमी एक्का! रोहित पाटलांच्या विरोधात उमेदवार ठरला?

NCP Politics : तासगाव- कवठे महाकाळ विधानसभा मतदारसंघातून विद्यमान आमदार सुमन पाटील यांचे पुत्र रोहित पाटील हे विधानसभेच्या रिंगणात असणार आहेत. मागील दोन ते अडीज वर्षापासून ते विधानसभेची तयारी करत आहेत. राष्ट्रवादीमध्ये फूट पडल्यानंतर रोहित पाटील यांनी शरद पवारांना साथ दिली.

रोहित पवार हे राष्ट्रवादी काँग्रेस शरदचंद्र पवार पक्षाचे उमेदवार तासगाव- कवठे महाकाळमधून असताना महायुतीमध्ये रोहित पवार यांच्या विरोधात कोण लढणार याची चर्चा होती.

महायुतीमध्ये तासगाव-कवठे महाकाळ विधानसभा मतदारसंघ हा अजित पवार यांच्या वाट्याला जाण्याची शक्यता आहे. त्यामुळे रोहित पाटलांच्या विरोधात अजित पवार कोणता उमेदवार देणार याची उत्सुकता असताना भाजपचे माजी खासदार संजयकाका पाटील यांनी 'घड्याळ' हाती बांधत राष्ट्रवादी काँग्रेसमध्ये प्रवेश केला.

संजयकाका पाटील यांना अजित पवारांकडून उमेदवारी घोषित झाली नाही. मात्र, उमेदवारीसाठीच संजयकाका पाटील हे अजित पवारांच्या राष्ट्रवादी काँग्रेसमध्ये गेल्याची चर्चा आहे. त्यामुळे कवळे महांकाळमध्ये रोहित पाटील विरुद्ध संजयकाका पाटील अशी लढत होण्याची शक्यता वर्तवली जात आहे.

अजित पवारांचा 'मास्टर स्ट्रोक'

तासगाव-कवठे महांकाळची निवडणूक एकतर्फी होईल, असे वाटत असताना अजित पवारांना संजयकाका पाटील यांना आपल्या पक्षात प्रवेश देत तासगाव-कवठे महांकाळची निवडणूक चुरशीची होणार असल्याचे संकेत दिले आहेत. अजितराव घोरपडे आणि संजयकाका पाटील यांच्यामध्ये समेट देखील झाली आहे.