Beed municipal elections news : बीड नगरपालिका निवडणुकीचा निकाल लांबल्याने मतपेट्या ठेवलेल्या ठिकाणी काही अनुचित प्रकार घडू नये यासाठी बीडमध्ये राष्ट्रवादी काँग्रेस शरदचंद्र पवार पक्षाच्या पदाधिकाऱ्यांनी स्ट्राँग रुमजवळ मंडप टाकून खडा पहारा द्यायला सुरुवात केली.
बीड नगरपालिकेच्या नगराध्यक्ष व 51 नगरसेवकांच्या निवडीसाठी मंगळवारी (ता. दोन) मतदान झाले. एका जागेची निवडणूक आता 20 डिसेंबरला होणार आहे. दरम्यान, तीन डिसेंबरला लागणारा निकाल लांबल्याने आता 21 डिसेंबरला मतमोजणी होणार आहे.
मतपेट्या बाजार समितीच्या गोदामात स्ट्राँग रूम तयार करून सुरक्षित ठेवल्या आहेत. तिथं तीन पाळ्यामध्ये 50 पोलिस सुरक्षेसाठी तैनात आहेत. मात्र, या ठिकाणी काही घडू शकते, अशी शंका उपस्थित करत राष्ट्रवादी काँग्रेस पार्टी (NCP) शरदचंद्र पवार पक्षाचे उमेदवार आणि पदाधिकारी या ठिकाणी पहारा देत आहेत. शनिवारी रात्री सनी वाघमारे, उमेदवार भारत कांबळे, सचिन चव्हाण आदी तिथं मुक्कामी थांबले असून एक-एक जण तिथं जागे राहून पाहणी करत आहेत. भाजपचा काहीही भरोसा नाही, असे भारत कांबळे यांनी म्हटले.
नगरपंचायतीच्या निवडणुकीचा (Election) निकाल लाभल्यामुळे राष्ट्रवादी काँग्रेस पार्टी शरदचंद्र पवार पक्षाचे माजी नगराध्यक्ष दीपक देशमुख यांनी स्ट्राँग रूमजवळ मुक्कामाची व्यवस्था करा, अशी मागणी करत दोन दिवसांपूर्वी आंदोलन केले होते. आंदोलकांना पांगवण्यासाठी पोलिसांना बाळाचा वापर करावा लागला. आता याच प्रकरणी पोलिसांनी दीपक देशमुख यांच्यासह 25 जणांवर गुन्हा दाखल केला आहे.
दरम्यान, निवडणूक प्रचार आणि त्यानंतर झालेल्या मतदानाच्या वेळी परळीत ठिकठिकाणी मुंडे अन् देशमुख समर्थकांमध्ये वाद उफाळला होता. मतदान केंद्रांमधील सीसीटीव्ही फोडण्यात आले होते, तर काही ठिकाणी त्यावर कपडा टाकण्यात आल्याचे प्रकार समोर आले.
नगरपालिका, नगरपंचायत निवडणुका जाहीर झाल्यापासूनच परळीतील नगरपालिकेची अन् तिथं घडणाऱ्या घडामोडींची चर्चा बीडसह राज्यभरात होताना दिसते आहे. निवडणुकी आधीच राष्ट्रवादी काँग्रेस पार्टी शरदचंद्र पवारचे माजी नगराध्यक्ष दीपक देशमुख यांना पक्षात प्रवेश देत माजी मंत्री धनंजय मुंडे यांना जोरदार धक्का दिल्याची चर्चा होती.
आता मतदान झालं आहे. पण सत्ताधाऱ्यांवर शरद पवार यांच्या शिलेदारांचा भरवसा नाही. स्ट्राँग रूमसमोरील पोलिस संरक्षणावर देखील विश्वास नाही. त्यामुळे देशमुख अन् त्यांचे कार्यकर्ते आळीपाळीने स्वतः पहारा देत आहेत. हा विषय राज्यात चर्चेत ठरला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.