Deepak Kulkarni
केंद्र व राज्य सरकारच्या कर्मचाऱ्यांसाठी मोठा दिलासा देणारी बातमी समोर येत आहे.
सर्व सरकारी कर्मचाऱ्यांसाठी सर्वात मोठं गिफ्ट मानले जात असलेल्या आठवा वेतन आयोगासाठी वेटिंगवर वेटिंग सुरू आहे.
आठवा वेतन नेमका केव्हा लागू होणार याविषयी चर्चांना उधाण आलं आहे. पगारवाढ, भत्ते आणि निवृत्तीवेतन यामध्ये मोठ्या सुधारणा होण्याची शक्यता असल्यामुळे कर्मचारी वर्गात कमालीची उत्सुकता वाढली आहे.
8 व्या वेतन आयोग लागू करण्याबाबत येत्या 13 एप्रिल 2026 रोजी अतिशय महत्त्वाची बैठक होणार आहे.
केंद्र सरकारी कर्मचारी आणि निवृत्तीवेतनधारकांचे प्रतिनिधित्व करणाऱ्या राष्ट्रीय परिषदेच्या मसुदा समितीची ही बैठक असणार आहे.
या बैठकीत पगारवाढीबाबत तसेच इतर आर्थिक सुविधांबाबत सखोल चर्चा होण्याची शक्यता आहे. त्यामुळे ही बैठक अत्यंत निर्णायक मानली जात आहे.
राष्ट्रीय परिषदेच्या मसुदा समितीची यापूर्वी 12 मार्च 2026 रोजीही बैठक पार पडली होती.
सरकारी कर्मचाऱ्यांकडून आठव्या वेतन आयोगाबाबत सूचना मागवण्यात आल्या होत्या. त्यासाठी 31 मार्च 2026 पर्यंत मुदत देण्यात आली होती. तसेच राष्ट्रीय परिषदेने आयोगाच्या अध्यक्षा रंजना प्रकाश देसाई यांना पत्र लिहून काही बदल सुचवले होते.
आठव्या वेतन आयोगाबाबतची ही 13 एप्रिलची बैठक ही सरकारी कर्मचाऱ्यांसाठी अत्यंत महत्त्वाची ठरणार असून, पगारवाढीच्या दिशेने हा मोठा टप्पा मानला जात आहे. या बैठकीत रेल्वे आणि संरक्षण क्षेत्रातील कर्मचाऱ्यांचे प्रतिनिधीही सहभागी होणार आहेत.