Amol Sutar
मुख्यमंत्री एकनाथ शिंदे यांच्या अध्यक्षतेखाली बुधवार (दि.14) मंत्रालयात पार पडलेल्या राज्य मंत्रिमंडळाच्या बैठकीत विविध महत्त्वाचे निर्णय घेण्यात आलेत.
मंत्रिमंडळ बैठकीस उपमुख्यमंत्री देवेंद्र फडणवीस, उपमुख्यमंत्री अजित पवार आणि मंत्रिमंडळातील सदस्य उपस्थित होते.
मुख्यमंत्री ग्राम सडक योजनेत अतिरिक्त 7 हजार किलोमीटरचे रस्ते व पुलाची कामे करण्यात येणार आहेत.
ऑनलाईन पद्धतीने वाळू, रेती पुरविण्यासाठी सर्वंकष सुधारित रेती धोरण. 'ना नफा, ना तोटा' तत्त्वावर वाळू विक्री दर निश्चित करणार आहेत.
शासकीय वैद्यकीय महाविद्यालयातील इंटर्नशिप विद्यार्थ्यांच्या विद्यावेतनात वाढ करुन दरमहा 18 हजार रुपये केली आहे. राज्यात जळगाव, लातूर, बारामती, सांगली (मिरज), नंदुरबार , गोंदिया या सहा ठिकाणी नर्सिंग महाविद्यालय उभारणार आहेत.
उच्च तंत्रज्ञानाच्या अतिविशाल उद्योगांना प्रोत्साहन दिले जाणार आहे. तसेच औद्योगिक क्षेत्रात पायाभूत सुविधांना प्रोत्साहन देण्यासाठी 50 टक्के मुद्रांक शुल्क सवलत दिली जाणार आहे.
अनुसूचित जातीच्या विद्यार्थ्यांना देण्यात येणाऱ्या मॅट्रिकपूर्व शिष्यवृत्ती योजनेसाठी सुधारित मार्गदर्शक सूचना जारी करण्यात आली आहे.
सायन कोळीवाड्यातील सिंधी निर्वासितांच्या 25 इमारतींचा पुनर्विकास केला जाणार आहे. हा विकास म्हाडा करणार असल्याचे बैठकीत सांगण्यात आले.
कोल्हापूर जिल्ह्यातील भुदरगड तालुक्यात नवीन समाजकार्य महाविद्यालय करण्याचा निर्णय घेण्यात आला आहे. तसेच राज्य शासकीय कर्मचाऱ्यांची मागणी मान्य करुन आश्वासित प्रगती योजनेत सुधारणा करण्याचा निर्णय घेतला आहे.